USD: GBP:
EUR: RUB:

booked.net

/ /

1:25

dünya

“UNESKO İraqın Mosul şəhərini yenidən inşa edəcək”.

Bu barədə UNESKO baş direktorunun kabinetinin rəhbəri Nikolas Kassianides bildirib.

Onun sözlərinə görə, Mosul şəhərinin UNESKO-nun hesabına yenidən bərpası qarşıdakı onillikdə qurumun üç mühüm layihələrindən biri olacaq: “Mosulda bərpa olunacaq abidələr arasında dağıdılmış məscidlər, kilsələr, tarixi abidələr və bütövlükdə qədim şəhər var”.

Qeyd edək ki, İraqın Mosul şəhəri 2014-cü ildə İŞİD terrorçuları tərəfindən dağıdılıb.

Türkiyə Prezidenti Rəcəb Tayyib Ərdoğan ABŞ-a yola düşüb.

“Azeri Today” Türkiyə KİV-lərinə istinadən xəbər verir ki, o, səfər çərçivəsində ABŞ Prezidenti Donald Trampla əvvəlcə təkbətək görüş keçirəcək.

Daha sonra nümayəndə heyətlərinin iştirakı ilə geniş tərkibdə görüş baş tutacaq.

Türkiyə ordusu Suriyada antiterror əməliyyatı keçirəcəyi əraziyə daxil olub.

“Azeri Today” “Report”-a istiandən xəbər verir ki, məlumatı “Bloomberg” agentliyi yayıb.

Türkiyənin milli müdafiə naziri Hulusi Akar isə Suriyanın şimalında “Barış pınarı” (“Sülh bulağı”) adlı antiterror əməliyyatının başlaması ilə bağlı məlumatı nə təsdiq, nə təkzib edib: “İşlərimizi davam etdirik. Hərbçilərin dislokasiyası, hazırlıqları davam edir”.

“Türkiyə prezidenti Rəcəb Tayyib Ərdoğan noyabrın 13-də qonağım olacaq”.

“Azeri Today” xəbər verir ki, bunu ABŞ prezidenti Donald Tramp bildirib.

Türkiyə ilə münasibətlərə dair yeni bəyanatla çıxış edən Ağ Ev sahibi vurğulayıb ki, ABŞ-ın Türkiyənin ən böyük ticarət tərəfdaşı olduğunu bir çox insan unudur: “Türkiyə faktiki olaraq bizim “F-35” qırıcılarımızın polad konstrukiyasını düzəldir. Onlar Suriyanın İdlib əyalətində çoxlu sayda insanın həyatı xilas edilərək geri qayıdıblar. Mənim xahişimlə rahib Branson uzunmüddətli həbsdən azad edilib. Eləcə də bunun da yadda saxlamaq vacibdir ki, Türkiyə NATO-nun çox yaxşı nüfuza malik üzvüdür”.

“Suriyanın şimalını terrorçulardan təmizləyərək ölkəmizin mövcudluğunu və təhlükəsizliyini qorumaqda qətiyyətliyik”.

“Azeri Today” “Report”-a istiadən xəbər verir ki, bunu Türkiyənin Xarici İşlər naziri Mövlud Çavuşoğlu “Twitter” səhifəsində Suriya məsələsi ilə bağlı yazıb.

“Suriyadakı böhran başlayandan bu ölkənin ərazi bütövlüyünü dəstəkləmişik. Bundan sonra da dəstəkləməyə davam edəcəyik. Bölgəni terrorçulardan təmizləyərək ölkəmizin mövcudluğunu və təhlükəsizliyini qorumaqda qətiyyətliyik. Suriyada əmin-amanlıq, sülh və sabitliyin yaranmasında iştirak edəcəyik”, – deyə M.Çavuşoğlu vurğulayıb.

ABŞ prezidenti Donald Tramp xidmətlərinin artıq lazım olmadığını söyləyərək, Milli Təhlükəsizlik məsələləri üzrə müşaviri Con Boltonu vəzifəsindən azad edib.

RİA “Novosti”yə istinadən xəbər verir ki, bu barədə ABŞ prezidenti Donald Tramp özünün “Twitter” səhifəsində məlumat verib.

“Mən dünən axşam Con Boltona xidmətlərinin artıq Ağ Evdə lazım olmadığını bildirdim. Mən onun bir çox məsləhətləri ilə razılaşmırdım, həmçinin administirasiyadakı bir sıra şəxslər kimi. Buna görə Condan istefasını istədim və o da bu səhər istefasını verdi”.

Tramp Con Boltona xidmətlərinə görə təşəkkür edib.

Con Bolton Trampın açıqlamasından sonra, tvitter səhifəsində istefa təklifini ilk olaraq Trampa təqdim etdiyini, Trampın isə bu məsələ ilə bağlı “sabab danışarıq”, cavabını verdiyini bildirib.

Ukraynada prezident seçkilərinin ikinci turu başa çatıb.

Ukrayna Mərkəzi Seçki Komissiyasının saat 15:00-a olan məlumatına əsasən, seçicilərin 45 faizdən çoxu səsvermədə iştirak edib.

Seçki başa çatdıqdan sonra “exit-poll”un ilkin nəticələri açıqlanıb. Yerli təşkilatların apardığı “exit-poll”un nəticələrinə görə, Vladimir Zelenski seçicilərin 73,2 faiz, Petro Poroşenko isə 25,3 faiz səsini toplayıb.

Qeyd edək ki, seçkilərin yekun nəticələri may ayının 1-dək elan ediləcək.

Şri-Lankanın paytaxtı Kolombonun kilsələrindən birinin yaxınlığında bir partlayış baş verib.

Bu barədə “RİA Novosti” məlumat yayıb.

Məlumata görə, insident istehkamçı dəstə aşkarlanan partlayıcı qurğunu zərərsizləşdirməyə çalışan zaman meydana gəlib.

Hadisə nəticəsində yük maşını yararsız hala düşüb. İtkilər barədə məlumat verilmir.

Qeyd edək ki, dünən Şri-Lankada Pasxa bazarında silsilə terror hücumları törədilib: ilk altı partlayış üç kilsədə, üç partlayış ölkənin müxtəlif hotellərində, yeddinci partlayış adanın qərbində, səkkizinci isə şəhərkənarı Kolombo qəsəbəsinin yaşayış kompleksində baş verib.

Son rəqəmlərə görə, itki sayı 290 nəfərə çatıb, 500 nəfər yaralanıb. Qurbanlar arasında Danimarka, Yaponiya, Pakistan, Mərakeş, Hindistan, Banqladeş, Çin, Niderland, ABŞ, Türkiyə və Böyük Britaniya vətəndaşları yer alır.

Şri-Lankada gün ərzində 8-ci partlayış baş verib.

Bu barədə yerli polis məlumat yayıb.

Bundan əvvəl baş verən 7-ci partlasyışp paytaxt Kolombo şəhərinin ətrafında yerləşən Dehivalı qəsəbəsində qeydə alınıb. İlkin məlumatlara görə, partlayış nəticəsində azı 2 nəfər ölüb.

Daha əvvəl kilsə və otellərdə törədilən 6 partlayış nəticəsində 185 nəfər həyatını itirib.

“Azeri Today” “Azərtac”-a istinadən xəbər vərir ki ABŞ tarixində ilk dəfə olaraq azərbaycanlılara məxsus olmayan qeyri-hökumət təşkilatı Xocalı soyqırımı qurbanlarına həsr edilmiş geniş tədbir keçirəcək. Azərbaycana dost münasibət bəsləyən digər xalqların diasporları ilə əlaqələrin genişləndirilməsi və inkişaf etdirilməsi strategiyası uğurla həyata keçirilir. Belə ki, Azərbaycan Respublikasının Diasporla İş üzrə Dövlət Komitəsi və Amerikanın nüfuzlu yəhudi diaspor təşkilatlarının yeni qurulmuş əməkdaşlığı artıq öz bəhrəsini verməyə başlayıb.

Dövlət Komitəsindən “Azeri Today”-e bildiriblər ki, fevralın 25-də ABŞ-ın Nyu-York şəhərindəki Yəhudi Tarixi Muzeyində Amerika Sefardlar Federasiyasının və Amerika Müsəlmanları Liderləri İttifaqının birgə təşəbbüsü və təşkilatçılığı, eləcə də Diasporla İş üzrə Dövlət Komitəsinin dəstəyi ilə Xocalı soyqırımına həsr edilmiş “Nəzər yetirmək və danışmaq: Xocalı qırğınını yad etmək, soyqırımı və etnik təmizləməyə qarşı mübarizə aparmaq” adlı tədbir, həmçinin amerikalı musiqiçi Cefri Verbokun ifasında muğam gecəsi baş tutacaq.

Gecədə Amerikadakı müxtəlif yəhudi təşkilatlarının liderləri, amerikalı gənc yəhudi liderlər, yəhudi və müsəlman dini liderlər, soyqırımı qurbanı olmuş digər xalqların nümayəndələri, BMT-nin rəsmi şəxsləri, Nyu-Yorkdakı diplomatik nümayəndəliklərin təmsilçiləri, soyqırımı üzrə beynəlxalq mütəxəssislər, amerikalı tarixçilər, Xocalı soyqırımı zamanı doğmalarını itirmiş, diasporumuzun üzvü Anar Usubov, Qaçqın və Məcburi Köçkünlərin İşləri üzrə Dövlət Komitəsinin nümayəndəsi, Azərbaycanın ABŞ-dakı səfirliyinin əməkdaşları və diasporumuz da daxil olmaqla, təxminən 150 nəfərin iştirakı gözlənilir.

Müxtəlif panellərdə çıxış edəcək şəxslər, ümumilikdə, soyqırımı, insanlığa qarşı cinayətlər, xüsusilə də Xocalı soyqırımı, bu cür halların qarşısının alınması və günahkarların cəzalandırılması yolları barədə danışacaqlar.

Qeyd edək ki, ABŞ-ın nüfuzlu yəhudi təşkilatlarından olan Amerika Sefardlar Federasiyası və digər önəmli yəhudi təşkilatları ilə Diasporla İş üzrə Dövlət Komitəsi arasında əməkdaşlıq ilk dəfə olaraq 2018-ci ilin noyabr ayında Dövlət Komitəsi sədrinin ABŞ-a səfəri zamanı qurulub və bu əlaqələrin daha da inkişaf etdirilməsi istiqamətində iş aparılır.

Xəbərlər