USD: GBP:
EUR: RUB:

booked.net

/ /

1:25

idman

Azərbaycan idmançısı Camaləddin Məhəmmədov (125 kq) Roma şəhərində keçirilən güləş üzrə Avropa çempionatında bürünc medalını qazanıb.

“Azeri Today” xəbər verir ki, 125 kq çəki dərəcəsində mübarizə aparan güləşçimiz bürünc medal uğrunda görüşdə Ermənistan təmsilçisi Levan Berianidzeyə qalib gəlib.

Beləliklə, Azərbaycan sərbəst güləşçiləri Avropa çempionatını 5 medalla başa vurub.

Azərbaycan yunan-Roma güləşçisi Rafiq Hüseynov İtaliyanın paytaxtı Romada keçirilən Avropa çempionatında final görüşünə çıxıb.

82 kq çəki dərəcəsində rəqib bolqarıstanlı Daniel Tixomirov Aleksandrov olub. Görüş azərbaycanlı pəhləvanın qələbəsi ilə yekunlaşıb – 2:1. Bununla da Hüseynov karyerasında ikinci dəfə Avropa çempionu olub.

Bizim idmançılarımız beynəlxalq idman yarışlarında 775 medal qazanmışlar, onlardan 271-i qızıl medaldır”.

“Azeri Today” xəbər verir ki, bu barədə Azərbaycan Respublikasının Prezidenti, Milli Olimpiya Komitəsinin Prezidenti İlham Əliyev dekabrın 25-də Milli Olimpiya Komitəsində 2019-cu ilin idman yekunlarına həsr olunan mərasimdə çıxışı zamanı deyib.

“Biz hər ilin sonunda idman nailiyyətlərinə yekun vururuq, idmançıları, idman mütəxəssislərini, veteranları mükafatlandırırıq. Bu il də istisna deyil. İlin sonunda bir daha görüşürük, eyni zamanda, gələcək planlar haqqında danışırıq, fikirlərimizi bölüşürük və beləliklə, Azərbaycanda idmanın inkişafı dayanıqlı xarakter alır”, – dövlət başçısı qeyd edib.

Azərbaycan Prezidenti bildirib ki, bu gün Azərbaycan dünyada idman ölkəsi kimi tanınır: “Bizim idman nəticələrimiz, uğurlarımız, qələbələrimiz, eyni zamanda, idmana dövlət tərəfindən göstərilən dəstək, dövlət proqramlarının icrası, əlbəttə ki, beynəlxalq idman qurumları tərəfindən də yüksək qiymətləndirilir. Təsadüfi deyil ki, Beynəlxalq Olimpiya Komitəsi, Avropa Olimpiya Komitəsi, beynəlxalq federasiyalar bizim fəaliyyətimizə çox yüksək qiymət verirlər. Ən əsas məsələ ondan ibarətdir ki, Azərbaycanda idmanın kütləviliyi təmin edilir, idmanla məşğul olmaq istəyən gənclərin sayı kəskin artır, biz bunu görürük, izləyirik. Biz buna görə görkəmli idmançılarımıza minnətdar olmalıyıq. Ümumiyyətlə, hesab edirəm ki, idman sahəsində görülən işlər gəncləri də həvəsləndirir. Azərbaycan gənclərinin idmana böyük maraq göstərməsi bizi sevindirir. Əlbəttə ki, görkəmli idmançılarımızın uğurları bizim idman şöhrətimizi daha da yüksəklərə qaldırır. Bu baxımdan bu il də əlamətdar il olmuşdur. Bizim idmançılarımız beynəlxalq idman yarışlarında 775 medal qazanmışlar, onlardan 271-i qızıl medaldır. Bu, onu deməyə əsas verir ki, idmançılarımız ölkəmizi beynəlxalq yarışlarda ləyaqətlə təmsil ediblər və Azərbaycanın dövlət himnini dəfələrlə səsləndiriblər, bizim bayrağımızı yüksəklərə qaldırıblar”.

Almaniyanın Frayzinq şəhərində yeniyetmə oğlanlar arasında U16 Avropa Çempionatı C Divizionunun (Priştina, Kosovo) və kişilər arasında kiçik ölkələrin Avropa Çempionatı C Divizionunun (Limerik, İrlandiya) püşkatma mərasimi keçirilib.

Yığmamız Ermənistan, İrlandiya və Andorra ilə B qrupunda mübarizə aparacaq. Qrupun matçları 2020-ci il iyunun 29-dan iyulun 4-dək Limerik şəhərində təşkil olunacaq.

16 yaşadək oğlan basketbolçulardan ibarət yığma isə C divizionunda qüvvəsini sınayacaq. Püşk komandamızı A qrupunda Uels, Andorra, Moldova və Şotlandiyaya rəqib edib. Qrupun qarşılaşmaları iyulun 11-19-da Kosovanın paytaxtı Priştinada keçiriləcək.

Digər qrupda meydan sahibləri ilə yanaşı, Albaniya, Ermənistan, San-Marino, Cəbəllütariq və Malta gücünü yoxlayacaq.

Azərbaycan Xarici İşlər Nazirliyi Lüksemburqda «Düdelanj»–«Qarabağ» futbol matçı zamanı baş verən təxribatla əlaqədər o ölkədəki səfirinə tapşırıq verib.

«Lüksemburqda akkreditə olunmuş səfirə bu ölkənin Xarici İşlər Nazirliyi ilə əlaqə yaratmaq və təxribatlara cavabdeh şəxslərin tapıldığına və müvafiq məsuliyyət daşıyacaqlarına əmin olmaqla bağlı tapşırıq verilib» – deyə Azərbaycan XİN Mətbuat xidmətinin rəhbəri Leyla Abdullayeva bildirib.

Xatırladaq ki, «Qarabağ» UEFA Avropa Liqasının qrup mərhələsinin 2-ci turu çərçivəsində «Düdelanj»ı 1:4 hesabı ilə məğlub edib.

Qarabağ Futbol Klubu
Qarabağ Futbol Klubu

Azərbaycanın yeniyetmə cüdoçusu Vüqar Talıbov Qazaxıstanın Almatı şəhərində keçirilən dünya çempionatında bürünc medal uğrunda görüşə çıxıb.

“Azeri Today” “Report”-a istinadən xəbər verir ki, 73 kq çəki dərəcəsində mübarizə aparan idmançı İtaliya təmsilçisi Luici Sentraççio ilə üz-üzə gəlib. Rəqibini ipponla məğlub edən azərbaycanlı olimpiya çempionu bürünc medal qazanıb.

Daha öncə Kamran Süleymanov 60 kq çəkidə gümüş medala sahib olub.

Qeyd edək ki, Vüqar Talıbov 2018-ci ildə Argentinanın paytaxtı Buenos-Ayresdə keçirilmiş Yeniyetmələrin III Yay Olimpiya Oyunlarının qalibidir.

Azərbaycanı Qazaxıstanın paytaxtı Nur-Sultandakı dünya çempionatında təmsil edən qadın güləşçi Mariya Stadnik final görüşünə çıxıb.

“Azeri Today” “Report”-a istinadən xəbər verir ki, 50 kq çəki dərəcəsində yer alan 31 yaşlı pəhləvanın rəqibi rumıniyalı Emiliya Alina Vuç olub. Görüş təcrübəli güləşçinin qələbəsi ilə yekunlaşıb.

Qarşılaşmanın əvvəllərində Vuça passiv güləşdiyi üçün xəbərdarlıq edilib. Fasiləyə Stadnik 5:0 hesabı ilə öndə çıxıb. O, ikinci hissədə daha 8 xal alaraq inamlı qələbəyə nail olub – 13:0.

Bununla da Stadnik karyerasında ikinci dəfə dünya çempionu olub. O, ilk belə uğurunu 2009-cu ildə Almaniyanın Dortmund şəhərindəki mundialda əldə edib.

Hazırda Azərbaycan millisinin aktivində 1 dəst medal var. Daha əvvəl yunan-Roma güləşçisi Rafiq Hüseynov (82 kq) gümüş, Eldəniz Əzizli (55 kq) bürünc medala yiyələnib. Stadnik həm də 2020-ci il Tokio Yay Olimpiya Oyunlarına lisenziya qazanıb. Digər qadın güləşçilərdən Elis Manolova (65 kq) bürünc medal uğrunda güləşəcək, Tatyana Omelçenko (59 kq) isə təsəlliverici görüşdə iştirak edəcək. Hər iki qarşılaşma sentyabrın 19-da olacaq.

Azərbaycanı Qazaxıstanın paytaxtı Nur-Sultandakı dünya çempionatında təmsil edən qadın güləşçi Elis Manolova 1/4 final görüşünü keçirib.

“Azeri Today”-ın “Report”-a istiandən məlumatına görə, 65 kq çəki dərəcəsində yer alan təcrübəli idmançının rəqibi türkiyəli Kadriye Aksoy olub.

Görüşü vaxtından əvvəl qələbə ilə başa vuran Manolova yarımfinala yüksəlib – 5:0.

Futbol üzrə Azərbaycan millisi AVRO-2020-nin seçmə mərhələsində beşinci oyununu keçirib.

“Azeri Today” xəbər verir ki, Nikola Yurçeviçin rəhbərlik etdiyi kollektiv “Bakcell Arena”da Xorvatiya yığmasını qəbul edib.

Qarşılaşma 1:1 hesabı ilə yekunlaşıb və Azərbaycan yığması seçmə mərhələdə ilk xalını qazanıb.

Futbol üzrə Azərbaycan milli komandası bu gün AVRO-2020-nin seçmə mərhələsində növbəti oyununu keçirəcək.

“Azerin Today”ın məlumatına görə, oyun bu gün saat 22:45-də Kardiff şəhər stadionunda keçiriləcək.

“CBC Sport” televiziya kanalı vasitəsilə canlı yayımlanacaq oyunu maltalı hakimlər idarə edəcəklər.

Xəbərlər