USD: GBP:
EUR: RUB:

booked.net

/ /

1:25

cəmiyyət

İyunun 26-da Silahlı Qüvvələr Günü ilə əlaqədar Prezident İlham Əliyevin hədiyyəsi olaraq, Əmək və Əhalinin Sosial Müdafiəsi Nazirliyi tərəfindən 60 şəhid ailəsinə və Qarabağ müharibəsi əlilinə yeni mənzillər təqdim edilib. Həmin mənzillər Abşeron rayonunun Saray qəsəbəsində yeni inşa edilmiş yaşayış binalarından alınaraq verilib.

AZƏRTAC xəbər verir ki, mənzillərin sənədlərinin təqdim olunması mərasimində Əmək və Əhalinin Sosial Müdafiəsi nazirinin müavini Anar Kərimov Silahlı Qüvvələr Günü münasibətilə tədbir iştirakçılarını təbrik edib. Nazir müavini Prezident İlham Əliyevin uğurlu siyasəti nəticəsində bu gün Azərbaycanın güclü orduya malik bir ölkə olmasının hər birimizdə sonsuz qürur hissi doğurduğunu vurğulayıb.

Anar Kərimov bildirib ki, dövlətimizin başçısının siyasətinin ana xəttini ölkə vətəndaşlarının həyat səviyyəsinin yüksəldilməsi təşkil edir. Bu il ərzində təqdim edilən iki sosial paket ölkədə minimum əməkhaqqının iki dəfəyə yaxın artaraq 130 manatdan 250 manata, minimum pensiyanın isə 72,4 faiz artaraq 116 manatdan 200 manata çatdırılmasına, sosial müavinətlərin və təqaüdlərin orta hesabla 100 faiz artırılmasına imkan verib. Dövlət sektorunda işləyənlərin də əmək haqları, məcburi köçkünlərin, tələbələrin təqaüdləri də əhəmiyyətli şəkildə artırılıb. Həmçinin dövlət 800 min vətəndaşın problemli kreditlərlə bağlı narahatlığına son qoyaraq həmin problemin həlli ilə əlaqədar maliyyə yükünü öz üzərinə götürüb. Ümumilikdə, təkcə bu il təqdim edilən iki sosial paket 4,2 milyon vətəndaşın rifahına ciddi dəstək olub.

Nazir müavini qeyd edib ki, ölkəmizin ərazi bütövlüyü, müstəqilliyi və konstitusiya quruluşunun müdafiəsi uğrunda mübarizədə əlil olan şəxslərə dövlətimizin başçısının xüsusi qayğısı nəticəsində ötən il nəzərdə tutulduğundan 3 dəfə çox olmaqla 626 mənzil həmin kateqoriyalardan olan insanlara təqdim edilib. Bu il isə azı 800 mənzilin verilməsi nəzərdə tutulub və onlardan artıq 60 mənzil indi öz sahiblərinə təqdim edilir. Ümumilikdə indiyədək nazirlik tərəfindən həmin kateqoriyalardan olan insanlara 6714 mənzil verilib. Həmçinin ötən il 265 müharibə əlili minik avtomobili ilə təmin edildiyi halda, bu il həmin vətəndaşlara nəzərdə tutulduğundan 3,2 dəfə çox, yəni, 600-ə yaxın avtomobilin verilməsi planlaşdırılıb. Artıq bu ilin ötən dövründə 150 avtomobil həmin təbəqədən olan insanlara təqdim edilib. Beləliklə, indiyədək 6300-dək müharibə əlili yeni avtomobilə sahib olub.

Nazirlik yanında İctimai Şuranın sədri Umud Mirzəyev, Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyinin sədri Mehdi Mehdiyev çıxış edərək həssas qrupların sosial təminatlarının gücləndirilməsi, onların rifah halının yaxşılaşdırılması məqsədilə Prezident İlham Əliyevin imzaladığı fərman və sərəncamların, aparılan islahatların ictimaiyyət tərəfindən böyük rəğbətlə qarşılandığını vurğulayıblar.

Qarabağ müharibəsi əlilləri və şəhid ailələrinin üzvləri bütün sahələrdə diqqət və qayğı ilə əhatə olunduqlarını vurğulayıb, sosial təminatlarının gücləndirilməsindən, müavinət və təqaüdlərinin, pensiyalarının mütəmadi olaraq artırılmasından razılıqlarını ifadə ediblər. Onlar göstərilən yüksək qayğıya, bu gün isə yeni və rahat mənzillərlə təmin olunduqlarına görə dövlətimizin başçısına dərin minnətdarlıqlarını bildiriblər.

İctimai təşkilatların rəhbərləri sosial sahədə atılan inqilabi addımların əhalinin rifah halının yaxşılaşdırılması istiqamətində mühüm uğurlara nail olmağa imkan verdiyini qeyd ediblər. Vurğulanıb ki, atılan bu addımlar, eyni zamanda, Qarabağ müharibəsi əlillərinin, şəhid ailələrinin yeni mənzillərlə təmin edilməsi işlərinin ildən-ilə güclənməsi dövlətimizin başçısının siyasətinin mərkəzində vətəndaş amilinin dayandığını bir daha təsdiq edir.

Sonra yeni mənzillərə baxış olub. Mənzillərin 12-si üçotaqlı, 31-i ikiotaqlı, 11- birotaqlıdır. Onların hər birində müasir tələblərə cavab verən yaşayış şəraiti yaradılıb.

Birinci vitse-prezident Mehriban Əliyeva Silahlı Qüvvələr Günü münasibətilə Azərbaycan xalqını təbrik edib.

“Azeri Today” xəbər verir ki, Birinci vitse-prezident Mehriban Əliyevanın rəsmi “Instagram” səhifəsində edilən paylaşımda deyilir:

“Əziz həmvətənlər! Əziz hərbi qulluqçular və veteranlar!
Bu gün biz Azərbaycan Silahlı Qüvvələri Gününü qeyd edirik. Bu, hərbi rəşadət, şərəf və igidlik bayramıdır. Bu gün biz həyatını riskə məruz qoyaraq Vətənimizi müdafiə edənlərin qəhrəmanlığına ehtiramımızı bildiririk.

Silahlı Qüvvələr Günü əsl ümumxalq bayramıdır. Ordu bizim dövlətçiliyimizin, təhlükəsizliyin və sabitliyin dayağıdır. Dövlətin hərbi qüdrəti bir çox amillərlə şərtlənir. Lakin bizim ordumuzun əsas gücü Azərbaycanın əsgər və zabitlərinin döyüş ruhu və Vətənə hədsiz sevgisidir.

Əziz hərbçilərimiz! Biz sizin mərdliyiniz, şücaətiniz və ən yüksək peşəkarlığınızla fəxr edirik. Bu əlamətdar bayram münasibətilə sizi ürəkdən təbrik edirəm”.

Rusiyada həbsdən azad edilən jurnalist Fuad Abbasov artıq Bakıdadır.

“Azeri Today” bildirir ki, jurnalisti Heydər Əliyev Beynəlxalq Hava Limanında ailə üzvləri, yaxınları qarşılayıblar.

İyunun 25-26-da Bakıda və Abşeronda hava quru və isti olacaq, havanın temperaturu +36 dərəcəyə yüksələcək, Ekologiya və Təbii Sərvətlər Nazirliyi Milli Hidrometeorologiya Departamentinin direktoru Umayra Tağıyeva bildirib.

Həmin müddətdə aran rayonlarında hava daha isti olacaq. Belə hava şəraiti iyunun 29-dək davam edəcək.

Onun sözlərinə görə, son günlərdə bu ayın ən yüksək temperaturu qeydə alınıb: “Bakıda 37, Abşeron yarımdasında 39,6, aran rayonlarında isə 40-42 dərəcə isti, bu da iqlim normasından 7,8 dərəcə yüksəkdir.

Azərbaycan Respublikasının Prezidenti İlham Əliyev iyunun 25-də Ramil Usubovu Təhlükəsizik Şurasının katibi vəzifəsinə təyin olunması münasibətilə qəbul edib.

AZƏRTAC xəbər verir ki, dövlət başçısı Ramil Usubovun uzun illər Daxili İşlər naziri vəzifəsini uğurla icra etdiyini bildirib.

Bu gün Azərbaycanda ictimai-siyasi sabitliyin təmin olunduğunu vurğulayan Prezident İlham Əliyev ölkə qarşısında duran vəzifələrin lazimi səviyyədə icrası üçün təhlükəsizlik tədbirlərinin daim gündəlikdə olmasının önəmini qeyd edib.

Prezident İlham Əliyev Ramil Usubovun Təhlükəsizlik Şurasının katibi kimi məsul vəzifənin öhdəsindən layiqincə gələcəyinə əminliyini ifadə edib və ona fəaliyyətində uğurlar arzulayıb.

Ramil Usubov ona etimad göstərib Təhlükəsizlik Şurasının katibi kimi məsul vəzifəyə təyin edilməsi ilə əlaqədar dövlət başçısına minnətdarlığını ifadə edib.

O bildirib ki, Daxili İşlər naziri vəzifəsində çalışdığı uzun illər ərzində rəhbərlik etdiyi nazirlik öz fəaliyyətində xalqımızın ümummilli lideri Heydər Əliyevin, sonrakı dövrlərdə isə Prezident İlham Əliyevin yüksək diqqət və qayğısını daim hiss edib.Ramil Usubov Prezident İlham Əliyevin rəhbərliyi ilə ölkəmizdə sabitliyin, əmin-amanlığın təmin olunması istiqamətində həyata keçirilən tədbirlərin böyük əhəmiyyət daşıdığını xüsusi olaraq vurğulayıb. O, Təhlükəsizlik Şurasının katibi vəzifəsində ona göstərilən yüksək etimadı doğrultmaq üçün səylərini əsirgəməcəyini bildirib.

Azərbaycanın görkəmli alimi və mətbuat tədqiqatçısı, Ali Media Mükafatı laureatı, Prezident təqaüdçüsü, Bakı Dövlət Universitetinin mətbuat tarixi və ideoloji iş metodları kafedrasının professoru, Azərbaycan jurnalistikasının görkəmli simalarından biri, ustad Şirməmməd Hüseynov vəfat edib.

Bu barədə BDU-dan məlumat verilib.

Prezident İlham Əliyev Azərbaycan Respublikası Müdafiə Nazirliyinin hərbi qulluqçularının təltif edilməsi haqqında sərəncam imzalayıb.

“Azeri Today”ən bildirdiyinə görə, sərəncamla Azərbaycan Respublikasının müstəqilliyinin, ərazi bütövlüyünün qorunub saxlanılmasında xüsusi xidmətlərinə, öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən fərqləndiklərinə görə Azərbaycan Respublikası Müdafiə Nazirliyinin aşağıdakı hərbi qulluqçuları təltif ediliblər:

“Azərbaycan Bayrağı” ordeni ilə
Mahmudov Qəşəm Fərzalı oğlu – polkovnik

Qasımov Mübariz Sayıl oğlu – mayor

Orucov Telman İlyas oğlu – mayor

Mustafayev İlham Abbas oğlu – kiçik leytenant

“Vətən uğrunda” medalı ilə

Ələkbərov Pərviz Ağasalam oğlu – polkovnik

Əliyev Əli Şahverdi oğlu – tibb xidməti polkovniki

Nəsibov Bayram Nəsib oğlu – polkovnik

Məmmədov Anar Əmiralı oğlu – polkovnik-leytenant

Məmmədov Zaur Alxan oğlu – polkovnik-leytenant

Rizvanov Səməndər Səməd oğlu – polkovnik-leytenant

Vəliyev Zöhrab Naib oğlu – mayor

“İgidliyə görə” medalı ilə

Əsədov Səxavət Ağagül oğlu – polkovnik

Cumayev Akif Kazım oğlu – polkovnik-leytenant

Əfəndiyev Samir Zakir oğlu – polkovnik-leytenant

Həziyev Samir Mətləb oğlu – polkovnik-leytenant

Mövlanov Nizami Bəydəmir oğlu – polkovnik-leytenant

Bağıyev Mirdamət Səristan oğlu – mayor

Babayev Vüqar Eyvaz oğlu – gizir

Şəkərov Firudin İlqar oğlu – gizir

Rzaquliyev Allahqulu Yusif oğlu – çavuş

Məmmədov Mehman Məmməd oğlu – kiçik çavuş

“Hərbi xidmətlərə görə” medalı ilə

Babayev Əlizadə Əhmədağa oğlu – polkovnik

Dərgahlı Vaqif Rafiq oğlu – polkovnik

Gülməmmədov Mehman Fərman oğlu – polkovnik

Məhərrəmov İzzət Məhəmmədəli oğlu – polkovnik

Məmmədov İsmixan Valeh oğlu – polkovnik

Nəbiyev Firuddin İsaxan oğlu – tibb xidməti polkovniki

Osmanov Tofiq Hüseyn oğlu – 1-ci dərəcəli kapitan

Rəcəbov Yadigar Mütəllim oğlu – polkovnik

Abasov Vüqar Tofiq oğlu – 2-ci dərəcəli kapitan

Ağabalayev Kamran Hacıəli oğlu – polkovnik-leytenant

Ağayev Bəhruz Allahverdi oğlu – polkovnik-leytenant

Divanov Nazim Musa oğlu – polkovnik-leytenant

Əfəndiyev Samir Sabir oğlu – polkovnik-leytenant

Əliyev Bəxtiyar Oktay oğlu – polkovnik-leytenant

Əzizov Firudin Novruz oğlu – polkovnik-leytenant

Nəsirov Eldəniz Ağamalı oğlu – polkovnik-leytenant

Niftəliyev Rəşid Ağaşərif oğlu – polkovnik-leytenant

Saruxanov Saruxan İslamuddin oğlu – polkovnik-leytenant

Yolçuyev Yolçu Məhəmməd oğlu – polkovnik-leytenant

Piriyev Rəşad Piri oğlu – mayor

Zülfüqarov Zülfüqar Rauf oğlu – mayor

Qorçiyev Cəfər Kəniş oğlu – kapitan

Məlikov Famil Alim oğlu – kapitan

Musibov Veysəl Yadullayeviç – kapitan

Məmmədov Yaşar Mürsəl oğlu – leytenant

Mustafayev Cavad Cavanşir oğlu – leytenant

Abdullayev İbrahim Savalan oğlu – baş gizir

Əliyev Elşad Əli oğlu – gizir

Qurbanov İsmayıl Cəlal oğlu – gizir

Hacəliyev Mübariz Hacəli oğlu – baş çavuş

Cəfərov Müşfiq Qərib oğlu – çavuş

Dəmirov Alim Ərəb oğlu – çavuş

Məmmədov Vüqar Vilayət oğlu – çavuş

Vəliyev Elçin Əjdər oğlu – kiçik çavuş

Babayev Müşfiq İsmayıl oğlu – baş əsgər (ölümündən sonra)

Məmmədov Ayaz Əvəz oğlu – əsgər

Nəmətov Namiq Ağaverdi oğlu – əsgər (ölümündən sonra)

Ramazanov Azad Gülağa oğlu – əsgər (ölümündən sonra)

Şükürov Saleh Niyaz oğlu – əsgər.

“X-Lady” mağazasında baş verən yanğın nəticəsində bir nəfər zəhərlənib.

Bu barədə Səhiyyə Nazirliyindən məlumat verilib.

“Hadisə yerinə təcili tibbi yardım briqadası cəlb olunub. Yanğın nəticəsində bir nəfər tüstüdən zəhərlənib. Onu dərhal Respublika Toksikologiya Mərkəzinə yerləşdiriblər. Vəziyyəti orta-ağırdır”, – məlumatda deyilir.

Dövlət İmtahan Mərkəzinin (DİM) “Abituriyent” jurnalının 12-ci nömrəsində qeyd edilib ki, son 14 ildə məzunların sayı 40 622 nəfər azalıb.

Bildirilib ki, bu meyl artıq bir neçə ildir müşahidə olunur: “Son 14 ildə məzunların sayı 33 faiz azalıb. Bu, ali təhsil müəssisələrinə qəbul imtahanlarında iştirak edənlərin sayında da özünü göstərir. 2017-ci illə müqayisədə 2018-ci ildə məzunların sayı 1193 nəfər azalıb. Bununla belə qeyd etmək lazımdır ki, sənəd verənlərin tərkibində 2018-ci ilin məzunlarının payı heç də azalmır, əksinə artır. 2018-ci ildə sənəd verənlərin 77.86 faizini (61182 nəfər) həmin ilin məzunları təşkil edib. Müqayisə üçün bildirək ki, 2010-cu ildə ali təhsil müəssisələrinə sənəd verənlər arasında həmin ilin məzunlarının payı 55.63 faiz, 2011-ci ildə 58.39, 2012-ci ildə 58.84, 2013-cü ildə 60.66, 2014-cü ildə 64.05, 2015-ci ildə 66.04, 2016-cı ildə 68.31 və 2017-ci ildə 75.83 faiz olub”.

Qeyd olunub ki, 2010-cu ildən etibarən ali məktəblərə sənəd verənlər arasında əvvəlki illərin məzunlarının payı getdikcə azalır, cari illərin məzunlarının payı isə artır: “Bunun əsas səbəbi hər il ali təhsil müəssisələrinə qəbul üçün ayrılan plan yerlərinin ciddi şəkildə artırılması və nəticədə qəbul olanların sayı artdıqca, növbəti il üçün əvvəlki illərin məzunları arasında qalığın azalmasıdır. Bu isə öz növbəsində ümumiyyətlə abituriyentlərin tərkibində əvvəlki illərin məzunlarının payının azalması ilə nəticələnir”.

Azərbaycanın Baş Nazirinin müavini Əli Əhmədov “Azərbaycan vətəndaşını daha yüksək rifah gözləyir” adlı məqalə yazıb.

“Azeri Today” məqaləni təqdim edir:

“Prezident İlham Əliyevin sərəncamları ilə bir çox sahələrdə çalışan insanların əmək haqqı 40 faiz artırılır. Ən önəmlisi minimum əməkhaqqının 250, minimum pensiyaların isə 200 manat məbləğində müəyyən edilməsidir. Bir neçə ay bundan əvvəl isə minimum əməkhaqqı və pensiyalar təxminən 40 faiz artırılmışdı. Beləliklə toplam artım təxminən 100 faizə bərabər olmuşdur. Minimum əməkhaqqının artırılması nəticəsində yüz minlərlə insanların maaşları 270-350 manat civarında artmış olacaq.

Məlumdur ki, Prezident İlham Əliyevin sərəncamları ilə 2003-cü ildən bu yana əməkhaqqı və pensiyalar dəfələrlə qaldırılıb. Bu, faktdır. Lakin 2019-cu il əhalinin sosial müdafiəsi sahəsində daha cəsarətli və əhəmiyyətli addımlar atılması ilə səciyyəvidir. İnsanların rifahının yaxşılaşdırılmasını özünün siyasətinin əsas məqsədi hesab edən Prezident İlham Əliyev bunu real həyatda əyani şəkildə təcəssüm etdirir. Xalqın həyat səviyyəsi sözün həqiqi mənasında gündən günə yaxşılaşır. Bu isə insanların xəyallarını gerçəkləşdirməsi üçün daha geniş imkanlar yaradır.

Azərbaycanı daha firavan gələcək, vətəndaşı daha yüksək rifah gözləyir. Məqsədimiz bu gələcəyə doğru inamla və qətiyyətlə irəliləməkdir. İndi sözüm vaxtilə iqtidarda olub Azərbaycanın bu gününə böhtan atanlaradır. Onlar hakimiyyətdə olduqları dövrdə əməkhaqqının artırılması ilə əlaqədar bir fakt belə xatırlayırlarmı? Ümumiyyətlə AXC-Müsavat hakimiyyətinin siyasi leksikonunda əməkhaqqının artırılması, insanların həyatının yaxşılaşdırılması anlayışları vardımı? Əlbəttə ki, yox idi. Çünki iflasa uğramış, ölkəni ağır iqtisadi tənəzzül vəziyyətinə salmış keçmiş hakimiyyətin bu barədə düşünməyə nə həvəsi var idi, nə də imkanı. Xəzinədə pul yox idi. Dövlət büdcəsiz işləyirdi. AXC-Müsavat hakimiyyəti dünyaya əcaib nümunə göstərmişdi: büdcəsiz dövlət.

Törətdikləri biabırçılıqların heç yüzdən birini də təşkil etməyən sadaladığım faktların “müəlliflərinin” bugünkü firavan, müasir, inkişaf edən Azərbaycana böhtan atması insan əxlaqının eybəcərləşməsindən başqa bir şey deyil.

Nə qədər böhtan atsalar da, nankorluq etsələr də möhtəşəm Azərbaycan özünün işıqlı gələcəyinə doğru inamla irəliləyir, insanlar isə bunun faydasını görür və bundan sonra da görəcəklər”.

Xəbərlər