USD: GBP:
EUR: RUB:

booked.net

/ /

1:25

bölgə

İranın şimal-qərbində 5.9 bal gücündə zəlzələ baş verib.

“Azeri Today” “APA”-ya istinadən xəbər verir ki, bu barədə Avro-Aralıq dənizi Seysmoloji Mərkəzi məlumat yayıb.

Ocağı 62 kilometr dərinlikdə yerləşən zəlzələlərin episentri Təbriz şəhərindən cənub-şərqdə 156 kilometr məsafədə qeydə alınıb.

Dağıntılar və təlafat barədə məlumat verilməyib. İranda baş vermiş zəlzələ Azərbaycanın bir sıra rayonlarında – Astara, Lənkəran, Lerik, Yardımlı və Masallıda da hiss edilib.

Türkiyənin Müdafiə Nazirliyi “Barış bulağı” hərəkatı çərçivəsində yerli əhaliyə atəş açıldığına dair xəbərlərin yalan olduğunu açıqlayıb.

“Azeri Today”-ın “APA”-ya istinadən xəbərinə görə, nazirliyin yaydığı açıqlamada bildirilib ki, “Barış bulağı” hərbi əməliyyatının keçirildiyi ərazidə mina və digər partlayıcıların təmizlənməsi Türkiyə hərbçiləri tərəfindən davam etdirilir: “Bu fəlaiyyət çərçivəsində bölgədə olan koalisiya ölkə vətəndaşlarına və yerli əhaliyə atəş açılmasına dair mediada yayılan xəbərlər həqiqəti əks etdirmir. Haqqımızda yayılan xəbərlər yalandır”.

Qeyd edək ki, bu gün Rusiyanın Suriyadakı Tərəflərin Uzlaşması Mərkəzinin rəhbəri general-mayor Yuri Borenkov ərazidə Türkiyə silahlılarının ABŞ hərbi konvoyuna atəş açdıqları barədə amerikalı həmkarlarından məlumat aldığını bildirib.
O, əlavə edib ki, atəş nəticəsində ölüm faktı qeydə alınmayıb.

Dünən Türkiyə Prezidenti Rəcəb Tayyib Ərdoğan Suriya ilə sərhəd bölgəsinə, “Barış bulağı” əməliyyatının komanda-qərargahının yerləşdiyi Şanlıurfaya səfər edib.

“Azeri Today” “APA”-ya istinadən xəbər verir ki, R. T. Ərdoğanı Türkiyə Daxili İşlər naziri Süleyman Soylu, Milli Kəşfiyyat Təşkilatının (MİT) rəhbəri Hakan Fidan müşayiət edib.

Türkiyə Prezidentini Müdafiə naziri Hulusi Akar, ordu komandanları, Şanlıurfa valisi Abdullah Erin və digər şəxslər qarşılayıb. R. T. Ərdoğan “Barış bulağı” əməliyyatının komanda-qərargahında olub, “Barış bulağı” əməliyyat zonasındakı son durum barədə məlumat alıb.

Daha sonra Türkiyə Prezidenti Şanlıurfa şəhərinə gəlib, yerli sakinlərlə görüşüb.

Azərbaycan Respublikası Xarici İşlər Nazirliyi bəyanat yayıb.

Nazirliyin bəyanatında deyilir:

“Azərbaycan terrorizmin bütün forma və təzahürlərini qəti şəkildə pisləyir və beynəlxalq ictimaiyyətin terrorizmə qarşı mübarizədə səylərini dəstəkləyir. Bu mənada biz əminik ki, Türkiyə hökuməti tərəfindən bəyan edildiyi kimi, Türkiyə Silahlı Qüvvələrinin həyata keçirdiyi “Sülhün mənbəyi” əməliyyatı Suriyanın ərazi bütövlüyü çərçivəsində terror riskinin aradan qaldırılmasına, qaçqınların öz evlərinə qayıtmasına, humanitar problemlərin həll edilməsinə, sülh və sabitliyin təmin edilməsinə xidmət edəcək”.

İstanbulda baş verən zəlzələdən sonra şəhərdəki bəzi məktəblərdə dərslər təxirə salınıb.

“Azeri Today” “Report”-a istinadən xəbər verir ki, həmçinin xəstəxanalar boşaldılıb. Bir çox iş yerlərində əməkdaşlar evə buraxılıb. Şəhərdəki Avropa-Asiya körpüsündə uzun avtomobil tıxacı yaranıb.

Yeraltı təkanlar nəticəsində şəhərdə yaranan dağıntıların miqyasını müəyyənləşdirmək üçün araşdırmalara başlanılıb.

Gürcüstan Xarici İşlər naziri David Zalkaliani və Rusiya Xarici İşlər naziri Sergey Lavrov arasında görüş olub.

“Azeri Today” xəbər verir ki, bu barədə Rusiya Xarici İşlər Nazirliyi məlumat yayıb.

Bildirilib ki, Nyu-Yorkda BMT Baş Assambleyasının 74-cü sessiyası çərçivəsində baş tutan görüş iki ölkə arasındakı diplomatik münasibətlərə vasitəçilik edən İsveçrə tərəfindən təşkil olunub.

Görüş zamanı cari məsələlərin müzakirə edildiyi qeyd olunub.

Ermənistan Milli Təhlükəsizlik Xidmətinin direktoru Artur Vanesyan vəzifəsindən istefa verib.

“Azeri Today” erməni KİV-lərinə istinadən xəbər verir ki, bu barədə o, müraciətində bildirib.

A.Vanesyan deyib ki, indiki vəziyyət fonunda istefa barədə qərarını ən düzgün və doğru sayıb.

Qeyd edək ki, bir müddət əvvəl onun istefa verdiyi, ancaq Ermənistanın baş naziri Nikol Paşinyanın çağırışından sonra ərizəsini geri götürdüyünə dair məlumat yayılmışdı.

Türkiyənin keçmiş baş naziri Əhməd Davudoğlu hakim Ədalət və İnkişaf Partiyasından istefa verib.

“Azeri Today” xəbər verir ki, o, sentyabrın 13-də keçirdiyi mətbuat konfransında AKP-dən çıxmaqla bağlı qərarını açıqlayıb.

Ermənistan ərazisində ard-arda iki zəlzələ olub.

“Azeri Today” “Report”-a istinadən xəbər verir ki, bu barədə Gürcüstanın Seysmoloji Monitorinq Milli Mərkəzi məlumat yayıb.

İlk zəlzələ 5,2 bal olmaqla Tbilisi vaxtı ilə saat 20:22-də, ikincisi isə 4,2 bal olmaqla saat 20:24-də qeydə alınıb.

Birinci zəlzələnin episentri Gürcüstan sərhədindən 9 kilometr, digəri isə 5 kilometr aralıda – Ermənistan ərazisində olub.

Gürcüstanın Baş naziri Mamuka Baxtadze vəzifəsindən istefa verib.

“Azeri Today”-ın məlumatına əsasən, bu barədə Baxtadze “Facebook” hesabında məlumat yayıb. O, bildirib ki, 2018-ci ildə Baş nazir vəzifəsinə namizədliyinin irəli sürülməsində məqsəd ölkənin inkişafının bələdçisi olan strateji inkişaf çərçivəsi yaratmaq idi.

“Strateji inkişaf çərçivəsi yaradıldı, tətbiq olundu və buna uyğun olaraq mən vəzifəmi tərk etmək qərarına gəlmişəm. Hesab edirəm ki, artıq missiyamı başa vurmuşam”.

Xəbərlər