USD: GBP:
EUR: RUB:

booked.net

/ /

1:25

idman

UEFA Avropa Liqasının pley-off mərhələsinin cavab matçında “Qarabağ” Şimali İrlandiya təmsilçisi “Linfild”lə qarşılaşıb.

“Azeri Today”ın məlumatına əsasən, Bakıda, Tofiq Bəhramov adına Respublika Stadionunda keçirilən görüşdə “Qarabağ” 2:1 hesablı qələbə qazanıb.

Əvvəlcə, 6-cı dəqiqədə Xayme Romero hesabı açıb. “Qarabağ” 89-cu dəqiqədə hesabı artırıb. Abdulla Zubir komandasının ikinci qoluna imza atıb.

Rəqibin sonuncu dəqiqədə vurduğu qol ümumi nəticəyə təsir etməyib.

İlk qarşılaşmada səfərdə 2:3 hesabı ilə məğlub olmuş ağdamlılar bu qələbə sayəsində Avropa Liqasında ümumilikdə beşinci dəfə qrup mərhələsində oynamağa haqq qazanıb.

Bolqarıstanın paytaxtı Sofiyada güləş üzrə yeniyetmələr arasında dünya çempionatı davam edir.

“Azeri Today” “Report”-a istinadən xəbər verir ki, beşinci yarış günündə üç yunan-Roma güləşçimiz mübarizə aparıb. Mübarizəyə 1/8 finaldan qoşulan Ziya Babaşov əvvəlcə yerli güləşçini məyus edib. 1/4 finalda Cənubi Afrika təmsilçisinə də göz açmağa imkan verməyən Babaşov yarımfinala yüksəlib.

Bu mərhələdə hindistanlı rəqibinə də gücünü göstərən Ziya adını finala yazdırıb. Babaşov avqustun 3-də həlledici görüşə çıxıb. İranlı güləşçiylə qarşılaşmada son dəqiqədə üstünlüyü əldən verən Ziya gümüş medalı boynundan asıb.

Nihat Məmmədli debütdə ilk hissədə ukraynalı rəqibinə qalib gəlib. Avropa çempionu daha sonra Türkiyə pəhləvanından güclü olub. Belarus güləşçisini də vaxtından əvvəl üstələyək Nihat yarımfinala vəsiqə qazanıb. Məmmədlinin qarşısında Özbəkistan güləşçisi də duruş gətirməyib və həmyerlimiz finala adlayıb. Həlledici qarşılaşmada Hindistan təmsilçisinə tam üstünlüklə qalib gələn Nihat dünya çempionu olub.

Xasay Həsənli təsnifat mərhələsində Yunanıstan təmsilçisi qarşısında çətinlik çəkməyib. Xasay növbəti görüşdə Estoniya idmançısına heç bir şans tanımayıb. Ancaq Həsənli 1/4 finalda iranlı həmkarına minimal fərqlə uduzub.

Azərbaycan Prezidenti İlham Əliyev Bakı şəhərində keçirilən Avropa Gənclər Olimpiya Festivalında ən yüksək nəticələrə görə Azərbaycanın idmançıları və onların məşqçilərinin mükafatlandırılması haqqında sərəncam imzalayıb.

“Azəri Today” xəbər verir ki, sərəncama əsasən, Bakı şəhərində keçirilən Avropa Gənclər Olimpiya Festivalında ən yüksək nəticələrə görə Azərbaycanın idmançıları və onların məşqçiləri aşağıdakı məbləğdə mükafatlandırılıblar:

birinci yeri tutan hər bir idmançı – 10 000 manat, onun şəxsi məşqçisi – 5000 manat;

ikinci yeri tutan hər bir idmançı – 7000 manat, onun şəxsi məşqçisi – 3500 manat;

üçüncü yeri tutan hər bir idmançı – 5000 manat, onun şəxsi məşqçisi – 2500 manat;

komandanın baş məşqçisi – idman növü üzrə ən yüksək nəticə göstərmiş idmançıya görə şəxsi məşqçinin aldığı məbləğ qədər (bir dəfə).

Nazirlər Kabinetinə bu sərəncamdan irəli gələn məsələləri həll etmək tapşırılıb.

Azərbaycan Bakıda keçirilən Avropa Gənclər Olimpiya Festivalında onuncu qızıl medalı qazanıb.

“Azeri Today” xəbər verir ki, ən ağır çəkili cüdoçumuz Hüseyn Məmmədov finalda rusiyalı rəqibinə qalib gələrək qızıl medalı boynundan asmaq hüququ əldə edib.

Bundan başqa, Məhərrəm İmamverdiyev (-80 kq) bürünc medal qazanıb.

Bununla da Azərbaycan üçün cüdoda fərdi yarışlar başa çatıb. Komandamız cüdoda iki qızıl, bir gümüş və üç bürünc medal əldə edib.

Ümumilikdə Azərbaycanın aktivində 23 medal var və bu göstərici ilə II yerdədir.

Azərbaycan üzgüçüsü Ramil Vəlizadə Bakı-2019 Avropa Gənclər Yay Olimpiya Festivalında (EYOF) yarımfinala vəsiqə qazanıb.

“Azeri Today” xəbər verir ki, Vəlizadə buna batterflay üsulla üzmə yarışında 200 metr məsafəni 2 dəqiqə 3,27 saniyəyə qət etməklə nail olub.

İkinci yarış günündə Azərbaycan üzgüçüləri Maksim Petrenko 100 metr məsafəyə sərbəst üsulla üzmə yarışında 56,78 saniyə, Aysel Səfərova 400 metr məsafəyə sərbəst üzmə yarışında 4 dəqiqə 47,84 saniyə nəticə göstərib. Bu nəticə onların növbəti mərhələyə vəsiqə qazanmalarına kifayət etməyib.

Qeyd edək ki, yarışlarının yarımfinal və final mərhələləri axşam sessiyasında olacaq.

Azərbaycanın yunan-Roma güləşçisi Həsrət Cəfərov Bakı-2019 Avropa Gənclər Yay Olimpiya Festivalında (EYOF) final görüşünü keçirib.

“Azeri Today” xəbər verir ki, 60 kq çəki dərəcəsində mübarizə aparan idmançı finalda Rusiya təmsilçisi Maqomed Qiqiyevlə üz-üzə gəlib. Cəfərov qələbə qazanaraq qızıl medala sahib olub. Bu isə Azərbaycan güləşçilərinin 4-cü qızıl medalıdır.

Azərbaycanın daha bir sərbəst güləşçisi Əbülfəz Nəsirov Bakıda keçirilən XV Avropa Gənclər Yay Olimpiya Festivalında (EYOF) final görüşünü keçirib.

“Azeri Today” “Reoprt”-a istiandən xəbər verir ki, 55 kq çəki dərəcəsində mübarizə aparan idmançı həlledici qarşılaşmada İtaliya təmsilçisi Simone Vinçentso Piroddu ilə görüşüb.

Rəqibinə məğlub olan (5:10) Nəsirov gümüş medalla kifayətlənib.

Daha öncə yunan-Roma güləşçilərindən Fərid Sadıxlı (45 kq) qızıl¸ Nihat Məmmədli (55 kq) bürünc medala sahib olub. Digər sərbəst güləşçisi Murad Haqverdiyev (45 kq) isə qızıl medal əldə edib.

Prezident İlham Əliyev Minsk şəhərində keçirilən II Avropa Oyunlarında ən yüksək nəticələrə görə Azərbaycan idmançıları və onların məşqçiləri üçün mükafatların müəyyən edilməsi haqqında sərəncam imzalayıb.

Sərəncama əsasən,birinci yeri tutan hər bir idmançıya 50 min manat, onun şəxsi məşqçisinə 25 min manat,ikinci yeri tutan hər bir idmançıya 30 min manat, onun şəxsi məşqçisinə 15 min manat, üçüncü yeri tutan hər bir idmançıya 20 min manat, onun şəxsi məşqçisinə 10 min manat.

Milli yığma komandaların baş məşqçilərinə ən yüksək nəticə göstərmiş bir idmançıya görə şəxsi məşqçinin aldığı məbləğ qədər (bir dəfə).

Belarusun paytaxtı Minskdə keçirilən II Avropa Oyunları başa çatıb.

“Azeri Today” “Report”-a istiandən xəbər verir ki,Azərbaycan millisi Oyunları 5 qızıl, 10 gümüş, 13 bürünc medalla başa vurub.

Yarışın son günündə 36 dəst medal sahibini tapıb. Azərbaycan millisi bu gün hesabına 4 medal yazdırıb. Güləşçilərdən İslam Abbasov (87 kq) gümüş, Sabah Şəriəti (130 kq) bürünc medal əldə edib. Karateçi Rafael Ağayevlə (75 kq) Firdovsi Fərzəliyev (60 kq) də “gümüş”lə kifayətlənib.

Beləliklə, Azərbaycan yığması “Minsk 2019″u 10-cu pillədə başa vurub. Ümumilikdə 200 dəst medala 43 ölkə təmsilçisi yiyələnib. Onlardan cəmi 34-ü qızıl medal sevinci yaşaya bilib.

Azərbaycan sərbəst güləşçisi Hacı Əliyev “Minsk 2019” II Avropa Oyunlarında qızıl medal qazanıb.

65 kq çəkidə yer alan 28 yaşlı pəhləvan finalda Vladimir Xinçeqaşvilini məğlubiyyətə uğradıb. İlk hissədə ardıcıl iki fəndlə 4:0 hesabı ilə önə çıxan Əliyev rəqibin etirazları qəbul olunmayınca aktivinə daha 1 xal yazdırıb.

İkinci yarının əvvəllərində Xinçeqaşvili 2 xal alsa da, Əliyev daha 5 xalla fərqi 8-ə çatdırıb. Nəticədə o, 10:2 hesabı ilə qalib gələrək yarışın qalibi olub.

Xatırladaq ki, ötən gün güləşçilərimizdən Mahir Əmiraslanov (57 kq) da qızıl medal qazanmışdı. Beləliklə, H.əliyevin bu qələbəsindən sonra hazırda Azərbaycan yığmasının aktivində 2 qızıl, 4 gümüş və 9 bürünc medal var.

Xəbərlər