USD: GBP:
EUR: RUB:

booked.net

/ /

1:25

bölgə

Türkiyənin keçmiş baş naziri Əhməd Davudoğlu hakim Ədalət və İnkişaf Partiyasından istefa verib.

“Azeri Today” xəbər verir ki, o, sentyabrın 13-də keçirdiyi mətbuat konfransında AKP-dən çıxmaqla bağlı qərarını açıqlayıb.

Ermənistan ərazisində ard-arda iki zəlzələ olub.

“Azeri Today” “Report”-a istinadən xəbər verir ki, bu barədə Gürcüstanın Seysmoloji Monitorinq Milli Mərkəzi məlumat yayıb.

İlk zəlzələ 5,2 bal olmaqla Tbilisi vaxtı ilə saat 20:22-də, ikincisi isə 4,2 bal olmaqla saat 20:24-də qeydə alınıb.

Birinci zəlzələnin episentri Gürcüstan sərhədindən 9 kilometr, digəri isə 5 kilometr aralıda – Ermənistan ərazisində olub.

Gürcüstanın Baş naziri Mamuka Baxtadze vəzifəsindən istefa verib.

“Azeri Today”-ın məlumatına əsasən, bu barədə Baxtadze “Facebook” hesabında məlumat yayıb. O, bildirib ki, 2018-ci ildə Baş nazir vəzifəsinə namizədliyinin irəli sürülməsində məqsəd ölkənin inkişafının bələdçisi olan strateji inkişaf çərçivəsi yaratmaq idi.

“Strateji inkişaf çərçivəsi yaradıldı, tətbiq olundu və buna uyğun olaraq mən vəzifəmi tərk etmək qərarına gəlmişəm. Hesab edirəm ki, artıq missiyamı başa vurmuşam”.

İran dost, qonşu və müsəlman ölkələrin potensialından öz milli mənafeyinin xeyrinə istifadə etməlidir.

“Azeri Today” “Trend”-ə istinadən xəbər verir ki, bunu İran Prezidenti Həsən Ruhani Nazirlər Kabinetinin iclasında deyib.

H.Ruhaninin sözlərinə görə, bununla İran problemləri azalda bilər.

Prezident əlavə edib ki, İranın bir neçə ölkə istisna olmaqla, bütün ölkələrlə anlaşma və əlaqələri var.

H.Ruhani deyib ki, ixracın artması, elm və texnologiyanın inkişaf etməsi İranın dünya ölkələri ilə yaxşı əlaqələrinin olduğunu əks etdirir.

Rusiya tərəfindən Türkiyəyə beşinci nəsil “Su-57” qırıcı təyyarələrinin tədarükü ilə bağlı iki ölkə rəsmiləri arasında müzakirələr aparılır.

“Azeri Today” “Report”-a istinadən xəbər verir ki, bu barədə Moskvada keçirilən 14-cü beynəlxalq aviakosmik sərgisində (MAKS-2019) jurnalistlərə Rusiya Federal Hərbi Texniki Əməkdaşlıq Xidmətinin direktoru Dmitri Şuqayev bildirib.

Bununla yanaşı, Rusiyanın Türkiyəyə beşinci nəsil “TF-X” qırıcı təyyarəsinin hazırlanmasında yardım edə biləcəyi də diqqətə çatdırılıb.

Türkiyənin Rusiyadan satın aldığı uzaqmənzilli hava və raket müdafiə sistemi olan “S-400” raketlərinin ikinci batareyası avqustun 27-dən etibarən tədarük olunacaq.

“Azeri Today” “Report”-a istinadən xəbər verir ki, bu barədə Türkiyənin müdafiə naziri Hülusi Akar məlumat verib.

O, birinci batareyanın iyulun 12-də tədarük edildiyini xatırladıb: “Məqsədimiz ölkəmizi və millətimizi xaricdən gələcək hava və raket təhdidlərinə qarşı qorumaqdır”.

Türkiyəli nazir Suriyanın şimalında PKK-PYD dayaqlarını məhv etmək istiqamətindəki fəaliyyətlərə də toxunub, Fərat çayının şərqində bununla bağlı ABŞ hərbçilərilə birgə addımlar atmağa tərəfdarı olduqlarını, iki ölkə hərbçilərinin müştərək gözətçilik fəaliyyətlərinə başlamaq üçün danışıqlar aparıldığını qeyd edib. “Amerikalılar tərəfindən terrorçulara aid qurğuların bir qisminin məhv edildiyinə və terrorçuların bir qisminin bölgədən çəkildiyinə dair yoxlanması zəruri olan məlumat aldıq. Bunları yoxlamaq və davam etdirmək üçün də çalışmalar yürüdürük”.

H.Akar deyib ki, ABŞ ilə müştərək addımlar nəzərdə tutulduğu kimi həyata keçirilməsə, Türkiyə Silahlı Qüvvələrinin B planı da, C planı da var”.

Qırğızıstanın sabiq Prezidenti Almazbek Atambayev saxlanılıb.

Bununla bağlı “İnterfaks” xəbər yayıb.

Onun Koy-Taş kəndindəki evində aparılan əməliyyatda Daxili İşlər Nazirliyinin iki minə yaxın əməkdaşı iştirak edib. Əməliyyata şəxsən Qırğızıstan Daxili İşlər naziri Kaşkar Cunuşaliyev rəhbərlik edib.

Bakı-Tbilisi-Qars (BTQ) dəmir yolu Asiya üçün “Avropaya pəncərə”dir.

“Azeri Today” xəbər verir ki, bunu Türkiyənin Xarici işlər naziri Mövlud Çavuşoğlu deyib.

Nazir bildirib ki, BTQ ən vacib nəqliyyat layihələrindən biridir: “Bakı-Tbilisi-Qars Çindən Avropaya yük nəqli prosesini asanlaşdıracaq”.

İran Prezidenti Həsən Ruhani və Xarici İşlər naziri Məhəmməd Cavad Zərif Azərbaycana səfər edəcəklər.

“Azeri Today” “APA”-ya istinadən xəbər verir ki, bu barədə “APA”-ya eksklüziv açıqlamasında Məhəmməd Cavad Zərif məlumat verib.

Cavad Zərif bildirib ki, o, İran Prezidenti ilə birgə Qoşulmama Hərəkatına üzv ölkələrin dövlət və hökumət başçılarının 25-26 oktyabr tarixlərində Bakıda keçiriləcək XVIII zirvə görüşündə iştirak üçün Azərbaycana gələcək: “İran Azərbaycanla çox yüksək səviyyədə əlaqələrə sahibdir. Ölkəmiz Qoşulmama Hərəkatına üzv ölkələrin dövlət və hökumət başçılarının 25-26 oktyabr tarixlərində Bakıda keçiriləcək XVIII zirvə görüşündə İran ən yüksək səviyyədə iştirak edəcək”.

“İranın Azərbaycandakı səfirliyi İran dövləti adından dost və qardaş Azərbaycan Respublikasının Fövqəladə Hallar Nazirliyi, Hərbi Dəniz Qüvvələri və Dövlət Sərhəd Xidmətinin İranın Xəzər dənizində qəzaya uğramış “Şəbahəng” adlı gəmisinin heyətinə göstərdikləri təxirəsalınmaz və peşəkar yardıma görə öz minnətdarlığını bildirir”.

“Azeri Today”ən xəbərnə görə, bu barədə İranın Azərbaycandakı səfirliyinin yaydığı açıqlamada vurğulanıb.

“Bu humanitar addım, İran İslam Respublikası ilə Azərbaycan Respublikası arasında əməkdaşlıq, dostluq və qardaşlıq simvolu sayılır. Eyni halda Xəzər dənizində fövqəladə və zəruri hallar zamanı əməkdaşlığın daha da genişlənməsinin zəruri olduğunu göstərir.

İran İslam Respublikasının səfirliyi bir daha belə bir həssas əməliyyatda iştirak etmiş və insan itkisinin qarşısının alınmasında əməyi olmuş hər bir kəsə öz səmimi minnətdarlığını bildirir, iki qonşu və qardaş ölkə arasında səmimi əlaqələrin genişlənməsini arzulayır”, deyə diplomatik nümayəndəlikdən bildirilib.

Xəbərlər