USD: GBP:
EUR: RUB:

booked.net

/ /

1:25

xəbərlər

Azərbaycan xarici işlər naziri Elmar Məmmədyarov və Ermənistan XİN rəhbəri Zöhrab Mnatsakanyan aprelin 15-də Moskvada görüşəcək.

Bununla bağlı Azərbaycan Xarici İşlər Nazirliyi məlumat yayıb.

Bildirilib ki, görüşdə ATƏT-in Minsk qrupu həmsədr ölkəsinin XİN rəhbəri qismində Rusiya xarici işlər naziri Sergey Lavrov da iştirak edəcək.

Xatırladaq ki, sonuncu dəfə Azərbaycan və Ermənistan XİN başçıları martın 29-da Vyanada görüşüblər.

Müdafiə nazirinin təsdiq etdiyi 2019-cu ilin hazırlıq planına uyğun olaraq Raket və Artilleriya birləşmələrinin döyüş atışlı təlimləri keçirilib.

Bununla bağlı Müdafiə Nazirliyi məlumat yayıb.

Təlimlərdə artilleriya bölmələri marş icra edib, cəmləşmə rayonlarına çıxıb və atəş mövqelərini tutaraq döyüş atışlarını yerinə yetiriblər.

Bu gün 162 saylı tam orta məktəbdə aprelin 4-də baş vermiş intihar hadisəsinin təfərrüatlarının araşdırılması məqsədilə yaradılmış xüsusi komissiyanın üzvləri və Təhsil Nazirliyi aparatının rəhbər şəxslərinin iştirakı ilə iclas keçirilib.

Təhsil Nazirliyinin mətbuat xidmətindən verilən məlumata görə, iclasda komissiya üzvlərinin məlumatları dinlənilib və xidməti araşdırmanın nəticələri qərar qəbul edilmək üçün təhsil nazirinə təqdim edilib.

Xatırladaq ki, aprelin 4-də Bakı Şəhəri üzrə Təhsil İdarəsində 162 saylı tam orta məktəbdə baş verən hadisənin xidməti araşdırılması üçün müvafiq komissiya yaradılıb, aprelin 6-da Bakı şəhəri Səbail rayon Prokurorluğunda AR CM-nin 125-ci maddəsi ilə cinayət işi başlanıb

Azərsutikinti Xəstəxanasının məcburi köçkünlərin məskunlaşdığı korpusunda baş verən yanğın zamanı ümimilikdə 5 nəfər zərər çəkib.

“Azeri Today” “Report”a istinadən xəbər veririr ki, bu barədə həmin xəstəxananın nümayəndəsi Cəmaləddin İsgəndərli məlumat verib.

“Onlardan 3-nə tüstüdən zəhərlənmə ilə bağlı ilkin tibbi yardım göstərilib. Bir nəfər özünü binadan aşağı atıb və 3 saylı Şəhər Kliniki Xəstəxanasına aparılıb, vəziyyəti ağırdır. Bir qadın isə başından və üzündən yanıq xəsarətləri alıb”.

Səhiyyə Nazirliyindən isə bildirilib ki, 7 nəfərə yerində yardım göstərilib: “Onlardan 3-ü kişi, 3-ü qadın və 1-i uşaqdır. Həkimlər onların hamısına yerində yardım göstəriblər”.

“Azərbaycan Gürcüstanın strateji tərəfdaşıdır. Biz birgə çox önəmli layihələrə imza atmışıq”.

Bu barədə Gürcüstanın baş naziri Mamuka Baxtadze AŞPA-nın yaz sessiyasında Azərbaycanın nümayəndə heyətinin üzvü Qənirə Paşayevanın iki ölkə arasında enerji sahəsində əməkdaşlıqla bağlı sualına cavabında deyib.

“Bakı-Tbilisi-Ceyhan neft kəməri layihəsini həyata keçirmişik və Cənub Qaz Dəhlizi kimi mühüm regional enerji layihələsi icra olunur. Lakin hesab edirəm ki, biz Xəzər dənizinin sərvətlərindən kifayət qədər istifadə etmirik. Biz Avropanın enerjiyə olan tələbatını təmin etmək üçün daha yaxından iştirak etməliyik. İstərdim ki, birgə daha böyük layihələrə imza ataq”,- deyə baş naziri bildirib.

Masallı rayonunda antisanitar şəraitdə pendir istehsal edən sex aşkarlanıb.

“Azeri Today” “Report”a istinadən xəbər verir ki, verilən məlumata görə, Azərbaycan Qida Təhlükəsizliyi Agentliyinə Masallı rayonu, Qəriblər kəndində antisanitar şəraitdə pendir istehsal edilməsi ilə bağlı şikayət daxil olub. Daxil olan şikayət əsasında Agentliyin əməkdaşları tərəfindən monitorinq keçirilib.

Monitorinq zamanı Masallı rayonu, Qəriblər kəndində fəaliyyət göstərən heyvandarlıq təsərrüfatının yaxınlığında qanunsuz pendir istehsalı ilə bağlı məlumatlar öz təsdiqini tapıb. Belə ki, ilkin baxış keçirilərkən qanunsuz fəaliyyət göstərən sexdə sanitar-gigiyena və texniki-normativ sənədlərin tələblərinə əməl edilmədiyi müəyyən olunub. İstehsal sahəsində 500 kq pendir, yarımfabrikat məhsullar, həmçinin sexin anbarında pendirin yağlılığını süni şəkildə artırmaq məqsədilə istifadə edilən bitki yağları aşkar edilib.

Məhsullardan nümunələr götürülərək Qida Təhlükəsizliyi İnstitutunun müvafiq laboratoriyalarına göndərilib. Müəssisənin fəaliyyəti isə qanunvericiliyin tələblərinə uyğun olaraq müvəqqəti olaraq məhdudlaşdırılıb.

Faktla bağlı qanunvericiliyin tələbləri çərçivəsində tədbirlər görüləcək.

Qida Təhlükəsizliyi Agentliyi vətəndaşların sağlamlığının qorunması, əhalinin təhlükəsiz qida ilə təmin edilməsi istiqamətində nəzarət tədbirlərini davam etdirir. Agentlik vətəndaşlardan xahiş edir ki, istehlakçı hüquqlarının pozulması hallarına biganə qalmasınlar və əhalinin sağlam qida məhsulları ilə təmin olunmasında Agentlik tərəfindən həyata keçirilən nəzarət tədbirlərində yaxından iştirak etsinlər.

Agentlik vətəndaşlardan qida sahəsində bu cür neqativ hallarla bağlı məlumatları olduqda 1003 nömrəli “Çağırı Mərkəzi”nə zəng edib məlumat verməyi xahiş edir.

Qazaxıstanın prezidenti vəzifələrini icra edən Kasım-Jomart Tokayev respublikada keçirilşəcək növbədənkənar prezident seçkilərinin tarixini elan edib.

Bu barədə “RİA Novosti” məlumat yayıb.

“Növbədənkənar seçkilərin iyunun 9-da keçirilməsi ilə bağlı qərar qəbul etmişəm”, – deyə K.Tokayev öz müraciətində bildirib.

O bildirib ki, növbədənkənar seçkilərlə bağlı qərar olduqca vacibdir.

Azərbaycanlı iki məcburi köçkün – Dilqəm Əsgərov və Şahbaz Quliyev 2014-cü ildə Ermənistan silahlı qüvvələri tərəfindən girov götürülüb. Bu mülki şəxslər Azərbaycanın işğal altında olan Kəlbəcər rayonunda valideynlərinin məzarlarını ziyarət edərkən girov götürülüblər.

Bu barədə Azərbaycanın AŞPA-dakı heyətinin üzvü Qənirə Paşayeva qurum yaz sessiyasında bildirib.

“Artıq neçə vaxtdır Azərbaycan hökuməti “hamı hamıya” prinsipi əsasında hər iki tərəfin saxladığı şəxslərin dərhal azad edilməsi çağırışını edib. Təəssüf ki, hətta bütün insan haqlarına hörmət edəcəyini iddia edən indiki Ermənistan rəhbərliyi Azərbaycanın bu mülki şəxslərinin hüquqlarını pozmaqda davam edir. Nə vaxta qədər Avropa Şurasının müvafiq qurumları Azərbaycanın bu iki mülki şəxsinin taleyi ilə bağlı səssiz qalacaq?”- deyə, Q. Paşayeva sonra Azərbaycan nümayəndə heyəti adından Avropa Şurasının (AŞ) İnsan haqları üzrə komissarı Dunya Miyatoviçə verib.

D. Miyatoviç isə cavabında AŞ-nin bu işlə məşğul olduğunu, hər iki ölkənin hakim dairələri və vasitəçilər ilə əlaqə saxladıqlarını bildirib:

“İki ölkənin prezidentlərinin görüşündən sonra vəziyyət yaxşıya doğru inkişaf edir. Buna sevinirik. İnsanları sülhə hazırlayırlar. Bu, o deməkdir ki, insan hüquqlarına riayət olunmalıdır. Mən çox istərdim bu şəxslərin azad olmasında iştirak edim. Mən bütün bu prosesləri izləyəcəyəm. Liderlər əmin olmalıdır ki, onların sülhə hazırlığı müəyyən nəticələr verməlidir”.

Daha bir güləşçimiz Avropa çempionatında erməni güləşçidən üstün olub.

“Azeri Today” xəbər verir ki, 70 kq çəki dərəcəsində də Ağahüseyn Mustafayev 1/4 finalda dünya və Avropa çempionu David Safaryanla qarşılaşıb.

İdmançımız rəqibinə 12:2 hesabı ilə vaxtından erkən qalib gəlib və yarımfinala vəsiqə qazanıb.

İstanbuldakı seçkilərin nəticələri, demək olar ki, tamamilə saxtalaşdırılıb.

Ntv.com.tr portalının məlumatına görə, bu fikirləri Moskvaya səfərindən öncə Türkiyə prezidenti Rəcəb Tayyib Ərdoğan Atatürk aeroportunda jurnalistlərə açıqlamasında deyib.

Onun sözlərinə görə, günahkarların üzə çıxarılması üçün Ədalət və İnkişaf Partiyası Mərkəzi Seçki Komissiyasına müraciət edib.

O əlavə edib ki, hakim partiya seçicilərin aldadılmasına imkan verməyəcək.

“Heç kimin 10 milyondan çox seçicisi olan İstanbulda 13-14 min səs fərqi ilə seçkini qazandığını deməyə haqqı yoxdur”.

Xəbərlər