USD: GBP:
EUR: RUB:

booked.net

/ /

1:25

xəbərlər

Dünən şəhid olan İbrahim qardaşımıza və ondan öncə də şəhid olmuş digər qardaşımıza Allahdan rəhmət diləyirəm”.

“Azeri Today” “APA”-ya istiandən xəbər verir ki, bu barədə Türkiyə Prezidenti Rəcəb Tayyib Ərdoğan Azərbaycan və Türkiyə prezidentlərinin iştirakı ilə Bakıda keçirilən Türkiyə-Azərbaycan Yüksək Səviyyəli Strateji Tərəfdaşlıq Şurasının iclasında deyib.

Türkiyə Prezidenti Qarabağın Azərbaycan olduğunu vurğulayıb: “Qardaşım Prezident İlham Əliyev “Qarabağ Azərbaycandır” deyib. Bu fikri eyni ilə təkrar etmək istəyirəm”.

R. T. Ərdoğan Azərbaycanda keçirilmiş növbədənkənar parlament seçkilərinin xeyirli olmasını diləyib, Prezident ilham Əliyevin rəhbərliyi ilə həyata keçirilən islahatları dəstəklədiklərini qeyd edib.

Türkiyə Böyük Millət Məclisinin (TBMM) Xarici işlər komissiyası Xocalı soyqırımının 28-ci ildönümü ilə əlaqədar bəyanat yayıb.

“Anadolu” xəbər verir ki, sənəddə beynəlxalq ictimaiyyətə çağırış edilərək qətliama ciddi reaksiya göstərilməsi istənilib.

Bəyanatda Xocalı soyqırımı haqqında qısa məlumat da yer alıb.

Sənəddə hadisə şahidləri və qurbanlarının hələ də həyatda olduğu, Xocalıda baş verənlərin tarixi olay deyil, günümüzün acı reallığı olduğu vurğulanıb: “İnsanlıq adına qanlı bir ləkə olan bu cür qətliamların təkrarlanmaması üçün beynəlxalq ictimaiyyət, BMT Təhlükəsizlik Şurası, ATƏT və İslam Əməkdaşlıq Təşkilatının qərarları çərçivəsində Xocalı soyqırımına layiq olduğu diqqəti verməsi və lazımi reaksiya göstərməsinin vacib olduğunu bir daha vurğulayırıq. Azərbaycanlı qardaşlarımıza bu haqlı davada həmrəyliyimizi ifadə edirik. Bu hadisəyə görə məsuliyyət daşıyan şəxslərin beynəlxalq məhkəmə qarşısına çıxarılmasına çağırırıq. Ermənistan işğal etdiyi torpaqlardan tezliklə çıxmalıdır”.

Səhiyyə Nazirliyi və İcbari Tibbi Sığorta üzrə Dövlət Agentliyinin mətbuat xidmətləri birgə məlumat yayıb.

“Azeri Today” “Report”-a istinadən xəbər verir ki, 1 saylı Kliniki Tibbi Mərkəzin yoluxucu xəstəliklər şöbəsinə həkim müşahidəsi üçün daha 4 nəfər yerləşdirilib. Həkim müşahidəsinə götürülənlər İran İslam Respublikası vətəndaşlarıdır. 19-21 yaş arası olan gənclər Bakıya bir neçə gün əvvəl gəliblər. Bədənlərinin hərarəti normadan yüksək olduğu üçün xəstəxanaya müraciət ediblər.

Kliniki Tibbi Mərkəzdən Səhiyyə Nazirliyinə verilən məlumata görə, hazırda yoluxucu xəstəliklər şöbəsində 6 nəfər var. Onlardan biri Azərbaycan digərləri isə İran İslam Respublikası vətəndaşlarıdır. Həkim müşahidəsinə götürülənlərdən 3-nün vəziyyəti normaldır səhhətlərində hər hansı bir problem aşkarlanmayıb. Digər 3 nəfərdə zökəm əlamətləri var. Həkim müşahidələri davam edir.

Məlumatda bildirilib ki, həmin insanlar İranın xəstəlik qeydə alınmayan ərazisindən gəliblər. Xəstə insanlarla ünsiyyətdə olmayıblar.

Səhiyyə Nazirliyi ölkə vətəndaşlarından qeyd edilən məsələyə həssas yanaşılmasını, süni ajiotaj yaratmaq məqsədi ilə sosial şəbəkələr vasitəsi ilə yayılan yalan məlumatlara etibar etməməyi xahiş edir.

Qeyd edək ki, bununla da Azərbaycanda koronavirus şübhəsi ilə xəstəxanaya yerləşdirilənlərin sayı 8-ə çatıb. Onlardan 6-sı 1 saylı Kliniki Tibbi Mərkəzdə, digər ikisi isə xüsusi ayrılmış tibb müəssisəsinə həkim nəzarətindədir.

Fevralın 25-də Azərbaycana səfərə gələn Türkiyə Respublikasının Prezidenti Rəcəb Tayyib Ərdoğanın rəsmi qarşılanma mərasimi olub.

“Azeri Today” “AZƏRTAC”-a istinadən xəbər verir ki, hər iki ölkənin dövlət bayraqlarının dalğalandığı meydanda ali qonağın şərəfinə fəxri qarovul dəstəsi düzülüb.

Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğanı qarşılayıb.

Fəxri qarovul dəstəsinin rəisi Türkiyə Prezidentinə raport verib.

Prezident İlham Əliyev və Prezident Rəcəb Tayyib Ərdoğan fəxri qarovul dəstəsinin qarşısından keçiblər.

Türkiyə Prezidenti Azərbaycan əsgərlərini salamlayıb.

Türkiyənin və Azərbaycanın dövlət himnləri səsləndirilib.

Azərbaycanın və Türkiyənin dövlət və hökumət nümayəndələri prezidentlərlə görüşüblər.

Fəxri qarovul dəstəsi hərbi marşın sədaları altında dövlət başçılarının qarşısından keçib.

Dövlət başçıları rəsmi foto çəkdiriblər.

“Türkiyə-Azərbaycan Yüksək Səviyyəli Strateji Tərəfdaşlıq Şurası toplantısının səkkizincisində bu gün Bakıda bir araya gələcəyik. Azərbaycanı ən son oktyabrın 15-də Türk Şurası zirvə görüşü çərçivəsində ziyarət etdim.

Cənab Əliyevlə fərqli məsələlərlə bağlı telefon danışıqlarımız olur, müzakirələr aparırıq”.

“Azeri Today” xəbər verir ki, bunu Türkiyə Prezidenti Rəcəb Tayyib Ərdoğan Azərbaycana səfəri öncəsi jurnalistlərə açıqlamasında deyib.

“Bildiyiniz kimi, Azərbaycanda seçki keçirildi. Bu ziyarətdə bütün bunları da qiymətləndirmə imkanı tapacağıq.

Türkiyə ilə Azərbaycan arasındakı yüksək səviyyəli səfərlərin sıxlığı strateji ortağımız Azərbaycanla münasibətlərimizin gəldiyi səviyyəni də göstərməsi baxımından böyük önəm daşıyır. Bugünəqədərki şura toplantılarında aldığımız qərarlarla TANAP və Bakı-Tbilisi-Qars dəmiryolu layihələri kimi strateji layihələri həyata keçirdik.

Azərbaycanla 2019-cu il üçün ticarət həcmimizə nəzər salsaq, əvvəlki illə müqayisədə, 25 faiz artaraq, 4.4 milyard dollara çatdığını görərik.

İkitərəfli ticarət həcmini 2023-cü ilə qədər 15 milyard dollara qaldırmağı hədəfləyirik. Bu gün keçiriləcək Yüksək Səviyyəli Strateji Tərəfdaşlıq Şurası toplantısı ilə preferensial ticarət haqqında anlaşmanı imzalayaraq, bu hədəf istiqamətində tarixi bir addım atacağıq.

Ölkəmizin Azərbaycandakı birbaşa investisiyalarına nəzər salsaq, bunun 11 milyard dollara çatdığını görərik. Azərbaycanın Türkiyədəki yatırımlarının isə bu ilin sonunda 20 milyard dollara yaxınlaşacağını düşünürük”, – Ərdoğan bildirib.

Фото ИТАР-ТАСС/ Юрий Машков

Keçmiş SSRİ-nin sabiq müdafiə naziri, marşal Dmitri Yazov vəfat edib.

“Azeri Today” “TASS”-a istinadən xəbər verir ki, bununla bağlı xəbəri Rusiya Müdafiə Nazirliyi təsdiqləyib.

Qeyd edək ki, Dmitri Yazov 1990-cı ilin yanvarın 19-dan 20-nə keçən gecə Bakıya qoşun yeridilməsində, eləcə də dinc əhaliyə qarşı törədilən qırğına rəhbərlik edən əsas şəxslərdən biri olub.

Şəhid İbrahim Vəliyev dəfn olunub.

“Azeri Today” xəbər verir ki, şəhid Zərdab rayonunun Gəlmə kəndindəki Şəhidlər xiyabanında torpağa tapşırılıb.

“İrandan Azərbaycana gələn iki nəfər koronavirus şübhəsi ilə 1 saylı Kliniki Tibbi Mərkəzin yoluxucu xəstəliklər şöbəsinə gətirilib”.

Səhiyyə Nazirliyinin mətbuat katibi Pərviz Abubəkirov bildirib ki, həmin şəxslər 1995-ci il təvəllüdlü Azərbaycan vətəndaşı və 1998-ci il təvəllüdlü İran vətəndaşıdır.

“Həkim müşahidəsinə götürülüb, heç bir şikayətləri yoxdur, temperaturları da normaldır. Onlardan analizlər götürüləcək və nəticəyə uyğun qərar veriləcək”.

Altıncı çağırış Naxçıvan Muxtar Respublikası Ali Məclisinin birinci sessiyası keçirilib.

“Azeri Today” xəbər verir ki, sessiyanın gündəliyində Naxçıvan Muxtar Respublikası Ali Məclisi Sədrinin seçilməsi, Ali Məclis Sədrinin müavinlərinin seçilməsi, Ali Məclisinin komitə sədrlərinin, sədr müavinlərinin və üzvlərinin seçilməsi məsələlər olub.

Vasif Talıbov yenidən Naxçıvan Ali Məclisinin sədri seçilib.

Mərkəzi Seçki Komissiyasının (MSK) bu gün keçirilən iclasında fevralın 9-da keçirilmiş Milli Məclisə seçkilərlə əlaqədar 108 saylı Ağstafa seçki dairəsindən namizəd Başxanım Abbasovanın müraciətinə baxılıb.

Bu barədə MSK üzvü Validə Kazımova məlumat verib.

Onun sözlərinə görə, namizəd müraciətində səsvermə günü qanun pozuntularının olduğunu iddia edib: “Müraciətlə əlaqədar araşdırma aparılıb və şikayətçi ilə əlaqə saxlanılıb. Araşdırma zamanı həmçinin sosial şəbəkələrdəki görüntülərə də baxılıb. Yalnız 1 seçki məntəqəsində pozuntu halları aşkar edilib”.

İclasda daha sonra həmin dairənin 1 seçki (26 saylı) məntəqəsi üzrə səsvermənin nəticələrinin etibarsız sayılması məsələsi müzakirəyə çıxarılıb və qəbul edilib.

Xəbərlər