USD: GBP:
EUR: RUB:

booked.net

/ /

1:25

mədəniyyət

Bakıda azərbaycanlı milyonçu, neft hasilatçısı və xeyriyyəçi Ağa Musa Nağıyevin heykəlinin ucaldılması məsələsi nəzərdən keçirilir.

“Azeri Today” “Report”a istinadən xəbər verir ki, bunu açıqlamasında Ağa Musa Nağıyev adına “Milli Dəyələrin Qorunması” İctimai Birliyinin sədri, milyonçunun fəaliyyətinin tədqiqatçısı, nəvəsi, tarix üzrə elmlər doktoru Dilarə Ağamusa Nağıyeva bildirib.

Onun sözlərinə görə, heykəlin Səhiyyə Nazirliyinin həyətində ucaldılması təklif olunub: “Səhiyyə Nazirliyinin hazırkı binasını vaxtilə Ağa Musa Nağıyev xəstəxana kimi tikdirib və səhiyyə ocağı 2010-cu ilə qədər onun adını daşıyıb. Ağa Musa Nağıyevə Bakıda heykəlin ucaldılması arzumdur. Babamın xatirəsinin əbədiləşdirilməsi ilə bağlı tədbirlər həyata keçiriləcək və bu barədə rəsmi səviyyədə mənə söz verilib. Səhiyyə Nazirliyi bu məsələ ilə bağlı Nazirlər Kabinetinə artıq müraciət ünvanlayıb”.

Nizami Gəncəvi adına Milli Azərbaycan Ədəbiyyatı Muzeyində İmadəddin Nəsimiyə həsr olunmuş sərgi açılıb.

“Azeri Today” “ONA” xəbər agentliyinə istinadən bildirir ki, sərgidə İmadəddin Nəsimiyə həsr olunmuş, 20-i Azərbaycan, 20-i ingilis dilində olmaqla ümumilikdə 40 lövhə təqdim edilib.

Lövhələrdə Nəsiminin 3 dildə yazdığı əsərlərinə orta əsrlərdə çəkilmiş illüstrasiyalar, miniatürlər, eləcə də şairin əlyazmalarının surətləri nümayiş olunub.
Həmçinin Ədəbiyyat Muzeyinin Nəsimiyə həsr olunmuş ekspozisiya zalından rəsmlər, böyük şairin 600 illik yubileyi münasibətilə hazırlanmış medalyonların əksi, onun Bakı şəhəri ve muzeyin ekspozisiyasında olan heykəllərinin rəsmi, şeirlərindən parçalar, Nəsimi filmindən olan səhnələrə aid fotolar və s. təqdim olunub.

Azərbaycanın Türkiyədəki səfirliyində Novruz bayramı münasibətilə ziyafət təşkil olunmuşdur.

“Azeri Today” “Azertac”-a istinadən xəbər verir ki, Novruz şənliyində Türkiyə Prezident administrasiyasının baş katibi Mustafa İsen, Ankarada akkreditə olunmuş diplomatik nümayəndəliklərin rəhbərləri, xarici işlər və mədəniyyət nazirlərinin müavinləri, parlament üzvləri, diaspor təmsilçiləri iştirak etmişlər.

Azərbaycanın Türkiyədəki səfiri Faiq Bağırov qədim bayramın Azərbaycanda ənənəvi olaraq yüksək səviyyədə qeyd edildiyini bildirmiş, tədbir iştirakçılarını Novruz münasibətilə təbrik etmişdir.

Daha sonra təqdim edilən milli rəqslərimiz tədbir iştirakçıları tərəfindən böyük rəğbətlə qarşılanmışdır. Səməni, Novruz şirniyyatları və milli ənənələrimizi əks etdirən atributların olduğu salonda qonaqlara bayram plovu verilmişdir.

Novruz bayramı cənub bölgəsində xüsusilə qeyd olunur.

Masallıda da Novruz bayramı münasibətilə festival təşkil edilib. Festivalın məqsədi Novruz bayramının adət-ənənələrini yaşatmaq, gələcək nəsillərə ötürmək, insanların bayram əhval-ruhiyyəsini artırmaq, bölgələrdə yaşayan müxtəlif xalqların milli mədəniyyətini, folklorunu, mətbəxini tanıtmaqdır.

Qeyd edək ki, Bahar festivalı martın 19-u axşam saatlarınadək davam edəcək.

“Azeri Today” “ONA”-ya istinadən xəbər verir ki, ötən gün Texas Ştatının Hyuston şəhərində Novruz festivalı təşkil edilib.

Festivalda türkdilli ölkələr Azərbaycan, Türkiyə, Qazaxıstan, Türkmənistan, Özbəkistan təmsil olunub. Texas Ştatında fəaliyyət göstərən türkdilli cəmiyyət və təşkilatların təşkil etdiyi şənlikdə hər ölkəyə məxsus stendlər qurulub.

Həmin stendlərdə türk xalqalrının adət-ənənələrini əks etdirən əşyalar sərgilənib. Sonda məktəblilərin ifasında milli rəqs nümunələri nümayiş etdirilib.

Festival yerli əhali tərəfindən böyük maraqla qarşılanıb.

Fransanın paytaxtı Paris şəhərində Azərbaycanın Fransadakı səfirliyinin təşkilatçılığı ilə Novruz bayramına həsr olunmuş tədbir keçirilib.

“Azeri Today” “Report”a istinadən xəbər verir ki, tədbirdə Azərbaycan Respublikasının Fransadakı səfiri Rəhman Mustafayev, Azərbaycanın YUNESKO yanında daimi nümayəndəsi Anar Kərimov, Azərbaycan diasporunun nümayəndələri, fransalı qonaqlar iştirak ediblər.

Tədbirdə çıxış edən Azərbaycanın Fransadakı səfiri Rəhman Mustafayev nəsildən-nəslə ötürülən Novruz bayramının həmrəylik, qardaşlıq, dostluq bayramı olduğunu və xalqımız üçün çətin dövrlərdə belə zamanın sınaqlarından keçən bu bayramın Azərbaycan xalqı üçün böyük əhəmiyyət kəsb etdiyini bildirib.

Tədbirdə rəssam Seyran İmanzadənin rəsmlərindən ibarət sərgi nümayiş olunub və zurnada xalq havaları səsləndirilib.

“Azeri Today” xəbər verir ki, bunu mədəniyyət naziri Əbülfəs Qarayev “ASAN Radio”nun “QəbuldASAN” proqramında deyib.

Ə.Qarayev bildirib ki, sirkin hazırkı binası kifayət qədər məhdud bir ərazidə yerləşir: “Azərbaycanda yeni sirk binasının inşası haqqında düşünməyin vaxtı çatıb. Biz bununla bağlı layihələr hazırlayırıq. Ümumilikdə, yeni sirk binası inşa olunacaq. Köhnə sirkin binası isə əyləncə, şou və istirahət mərkəzi kimi fəaliyyət göstərəcək. Bu, yenilik olacaq”.

İsrailin Təl-Əviv şəhərində keçiriləcək “Eurovision 2019” mahnı müsabiqəsində Azərbaycanı gənc müğənni və bəstəkar Çingiz Mustafayev təmsil edəcək.

“Azeri Today” İctimai Televiziya və Radio Yayımları Şirkətinə istinadən xəbər verir ki, müğənni səhnəyə bolqarıstanlı-avstriyalı bəstəkar Borislav Milanovun “Truth” adlanan əsəri ilə çıxacaq.

“Etiraf edirəm ki, “Truth” mahnısının Çingizə uyğun olacağına əmin deyildim. Çünki o flamenko və gitaranı sevən milli musiqiçidir. Şəxsi tanışlıqdan sonra isə haqqındakı fikirlərim tamamilə dəyişdi. O, inanılmaz dərəcədə ehtiraslı musiqiçi və müğənnidir. Onunla birlikdə mahnıya Azərbaycanın milli ifaçılıq manerası və şərq ürəyi qatdıq” – deyə bəstəkar Borislav Milanov bildirib.

Bu günlərdə ölkə prezidenti İlham Əliyevin imzaladığı sərəncamla “akademik” statusu alacaq Azərbaycan Dövlət Musiqili Teatrı və Azərbaycan Dövlət Rus Dram Teatrının əməkdaşlarının əməkhaqları iki dəfə artırılacaq.

“Azeri Today” “Oxu.Az”-a istinadən xəbər verir ki, həmin teatrlarda əməkhaqqı artımına 2006-cı ilin 29 dekabr tarixində imzalanaraq, hüquqi qüvvəyə minən və hazırda mövcud olan “Teatr və teatr fəaliyyəti haqqında” qanun şərait yaradır.

Adıçəkilən qanunun 20-ci maddəsinə əsasən, akademik teatrlarda çalışan işçilərin əməkhaqlarına 100 faiz əlavə müəyyən edilir.

Konkret olaraq, qanunun 20.5.-ci maddəsində qeyd olunur ki, “Akademik, milli və aparıcı teatrlarda çalışan işçilərin əməkhaqlarına müvafiq olaraq 100, 50 və 25 faiz əlavə müəyyən edilir”.

Onu da qeyd edək ki, ölkə prezidentinin imzaladığı “Azərbaycan Dövlət Musiqili Teatrına və Azərbaycan Dövlət Rus Dram Teatrına “akademik” statusu verilməsi haqqında” sərəncama əsasən, Nazirlər Kabinetinə bu iki teatra “akademik” statusunun verilməsini on beş gün müddətində təmin etmək tapşırılıb.

Nazirlər Kabinetinin bu yöndə veriləcək müvafiq qərarından sonra isə hər iki teatrın əməkdaşlarının əməkhaqları iki dəfə artırılacaq.

Президент Ильхам Алиев подписал распоряжение «О проведении 140-летия Гусейнгулу Сарабского».

Согласно распоряжению, Министерству культуры поручено подготовить план мероприятий в связи со 140-летием видного деятеля культуры Гусейнгулу Сарабского, а Кабинету министров – решить вопросы, вытекающие из распоряжения.

«В марте 2019 года исполняется 140 лет со дня рождения видного оперного певца, актера, режиссера, педагога и театрального деятеля, народного артиста Гусейнгулу Сарабского (Гусейнгулу Мелик оглу Рзаева). Гусейнгулу Сарабский занимает видное место среди крупных представителей театрального и музыкального искусства. Имеет исключительные заслуги в качестве исполнителя мугамной оперы, созданной на стыке музыкальных и театральных традиций Востока и Запада и являющейся уникальным явлением мирового оперного искусства. Имевший глубокие познания в сфере мугама, обладавший блестящим актерским талантом, первый и незабываемый исполнитель главных партий в национальных операх и опереттах, он в течение долгой сценической деятельности создал галерею разнообразных образов. Сарабский принимал активное участие в культурной жизни республики, а также внес значительный вклад в развитие и преподавание искусства мугама», – говорится в распоряжении.

Xəbərlər