Azərbaycan Xarici İşlər Nazirliyi Lüksemburqda «Düdelanj»–«Qarabağ» futbol matçı zamanı baş verən təxribatla əlaqədər o ölkədəki səfirinə tapşırıq verib.
«Lüksemburqda akkreditə olunmuş səfirə bu ölkənin Xarici İşlər Nazirliyi ilə əlaqə yaratmaq və təxribatlara cavabdeh şəxslərin tapıldığına və müvafiq məsuliyyət daşıyacaqlarına əmin olmaqla bağlı tapşırıq verilib» – deyə Azərbaycan XİN Mətbuat xidmətinin rəhbəri Leyla Abdullayeva bildirib.
Xatırladaq ki, «Qarabağ» UEFA Avropa Liqasının qrup mərhələsinin 2-ci turu çərçivəsində «Düdelanj»ı 1:4 hesabı ilə məğlub edib.
